《幽灵刺客》将于 12 月初推出 4K 蓝光修复版影碟【蓝光资讯】

由华纳发行，改编自 Marvel 旗下嘅角色动作片《幽灵刺客》係90年代尾推出嘅电影作品， 1998年上映时全球票房劲收1亿3千万美金。由于电影大收，之后更加喺 2002 同 2004年推出第二同第三集，当时声势可谓一时无两。近期都好多旧片会重新再做 4K 影碟，华纳亦都宣布将会喺 12月初推出《幽灵刺客》4K 蓝光版，用上 4K HDR 影像规格同埋 Dolby Atmos 音效，而花絮部分就沿用之前所有嘅幕后访谈。由于华纳早前已经放出咗一条修复版预告片，而且佢哋之前嘅 4K 修复蓝光系列都一直保持住极高评价，预计呢套戏喺影音效果上都会值得大家期待！

《幽灵刺客》将于 12 月初推出 4K 蓝光修复版影碟【蓝光资讯】

传 Sony 将为美国地区指定电视型号追加 Apple TV App 支援【电视资讯】

有美国媒体指出，Sony 电视最近宣布将会为指定型号嘅 Android 电视系列，推出 Apple TV App 功能支援。其实加入 Apple TV App 并非新鲜事，最先加入呢个功能包括有 Samsung 电视系列，之后 LG 电视系列亦喺支援名单之中。值得留意嘅係今次首次有 Android TV 可以对应 Apple TV 嘅功能，大家可直接利用电视上嘅 App 收睇 Apple TV＋(Plus) 嘅原创内容，仲可以用到 Apple ID 帐户买戏或者租戏睇添。如果係真嘅话，Sony TV 用家应该会好开心喇！

传 Sony 将为美国地区指定电视型号追加 Apple TV App 支援【影音资讯】

《狂野时速》系列将以11集作终结 盛传奇洛李维斯将加盟外传续章【电影资讯】

原定会喺今年上映嘅新一集《狂野时速》因为受新冠疫情影响，将会推迟至下年4月2日。而导演亦都把握时间做后期製作，更盛传《狂野时速》正传将会以第11集作大结局！另外电影公司已经为外传《狂野时速：双雄联盟》加开续集同埋添食作，为未来十年嘅系列发展作部署。而上个月女主角 Michelle 接受访问时仲透露，《狂野时速 9》会加入飞车出「外太空」嘅场口添。而演员阵容除咗有元组班底外，两位奥斯卡影后：查理丝花朗 同埋 海伦米兰 都会继续归队。而最近更传出电影公司正密切考虑邀请《杀神 John Wick 》男星 奇洛李维加入添！令外传故事更加具可观性。

《狂野时速》系列将以 11 集作结︱盛传 奇洛李维斯 将加盟外传续章【电影资讯】

1More 全新无线耳机 ComfoBuds 13.4mm 单元听出嚟係咩感觉?!【耳机资讯】

提到 1More 呢个品牌嘅耳机，第一时间应该会谂起「电竞」喇！而最近佢哋再向大家日常使用嘅无线耳机入手， 推出全新 ComfoBuds！採用咗比一般无线耳机更大尺寸嘅单元。以往一般蓝牙耳机都只有 5mm-6mm 甚或 8mm 嘅单元，大家已经相当满意。但今次 ComfoBuds 用上更大嘅 13.4mm 单元，令到低音更澎湃，而人声理论上亦都会更饱满，听感应该都会更有动态添！建议零售价只係 $429，真係非常有竞争力呀！

1More 全新无线耳机 ComfoBuds 13.4mm 单元听出嚟係咩感觉?!【耳机资讯】

Denon AVC-A110 8K AV 扩音机 天龙 110週年家庭影院瞩目第一击【影音资讯】

天龙 Fans 要注意喇！110週年庆典已经嚟到香港喇！今次一嚟就一门四杰，你又会睇中边件呢？小瑟日前就出席咗天龙嘅发布会，佢哋仲请咗威廉Sir 讲吓点睇今次四部唔同嘅 A110添！如果大家睇过啲网上资料，都知道今次週年版嘅新产品都係採用咗石墨银配色，当眼处更加有 110週年庆标誌，用嚟突出特别版嘅特殊身份。由于四件新产品都经过品牌嘅专业团队 Denon Sound Masters 作调音，并且全程喺日本製作，所以喺音质、用料、造工甚至係调音上都有另一番体会。大家最留意嘅一定係 AVC-A110 呢部 2020年 A1版本㗎喇，香港嘅定价係 $42,800，110週年只得一次，如果你係 Fans又会唔会入手呢？